المخوفتيه .... والنجوم .... وهواك (الخوف)

تعالوا نفتح قلوبنا .............

ونقول كل اللي في نفسنا ........

كل اسبوع هنختار موضوع معين ونتكلم فيه ... وكل واحد يقول كل اللي جواه

ده مش موضوع نقول فيه شكرا على الموضوع وخلاص ... ده اسمه فضفضه .. يعني نتكلم من غير كسوف ونطلع كل اللي جوانا

هنتكلم الاسبوع ده عن الخوف فى التصريح فى الحب ....

كلنا بنحب بس فيه ناس سواء ولاد او بنات تخاف تصرح لحبيبها بده
كلنا كان بيحب انه يصرح لحبيبه بحبه ده وسواء ولد او بنت
وممكن ده يضيع مننا الانسان الى بيحبه
كل واحد بقى يدخل يقول تجربه ليه او لصاحبه او حد يعرفه

كل واحد يدخل ويقول ايه هى احلامه حلم بايه

يالله عايز تفاعلكم

زائر

ايوة يا مهند انا حصل معايا الموضوع
مع انى مش صغير
بس للاسف لاول مرة مش قادر اصارح انسان حبيته
مش عراف ليه
يمكن خايف
يمكن حاسس انى مهما حبيته مش هاقدر اكون لانسان ده ؟
يمكن عايز اقول كلام كتير بس فى نفس الوقت خايف اقول اى كلمة
خايف جدايا مهند
ومن التوبيك بتاعك انا بهدى للانسان الى حبيته ده ارق سلام وارق تهانى
وبقوله لو قدرت فى يوم تحس بالى انا عايز اقوله بس مش قادر
نفسى اقووووووووووووول كلام كتير اوى
بس؟؟؟؟؟؟؟؟؟؟؟
تفتكر يا مهند ممكن فى يوم اقوله الكلام ده
ولا حللم من الاحلام وانتهى
؟؟؟؟؟؟؟؟؟؟؟

التصريح فى الحب عايز شجاعة وتفكير كويس قبل ما اى حد يصارح الانسان الى بيحبه

ومتهيالى المفروض انها تيجى من الولد قبل البنت

انا بقي رايي

ان لا البنت تقول ولا الولد يقول

احسن حاجه الحب الصامت
بحس انه حب بجد

في اغنيه لجنات بتقول

انا عايزاك تبقي ليا
من غير ماتقولها ليا
اسمع كلمه بحبك من غير كلام

يعني الحب مش كلمه ممكن حد يقولها
الحب تصرفات وافعال
والتصرفات دي بتبين ان كان الحد ده بيحبك ومهتم بيك ولا لا

اولا مرسي يا مهند موضوعك رووووووووعه وانا شخصيا في امس الحاجه لحاجه زي كده
بس بليز ما تعود تكتب بهادا اللون لانو عملي حول مفاجئ geek

هلا بالنسبه للموضوع يلي هو الخوف من التصريح بالحب فدا شيئ موجود عندي اول واحده ما بعرف ازا فيي قول انو خوف بكل ما للكلمه من معنى ، انما يمكن يكون نابع عن عدم ثقة بالناس ممكن !!! او انو عدم شجاعه او احساسي بانو ما حدا بيستاهل اني صرحلو او خوض معاه تجربه حب اصلا ، او لاني شايفه الحب اليومين دول الحب الكزابي Wink

مارد كتب:: ايوة يا مهند انا حصل معايا الموضوع
مع انى مش صغير
بس للاسف لاول مرة مش قادر اصارح انسان حبيته
مش عراف ليه
يمكن خايف
يمكن حاسس انى مهما حبيته مش هاقدر اكون لانسان ده ؟
يمكن عايز اقول كلام كتير بس فى نفس الوقت خايف اقول اى كلمة
خايف جدايا مهند
ومن التوبيك بتاعك انا بهدى للانسان الى حبيته ده ارق سلام وارق تهانى
وبقوله لو قدرت فى يوم تحس بالى انا عايز اقوله بس مش قادر
نفسى اقووووووووووووول كلام كتير اوى
بس؟؟؟؟؟؟؟؟؟؟؟
تفتكر يا مهند ممكن فى يوم اقوله الكلام ده
ولا حللم من الاحلام وانتهى
؟؟؟؟؟؟؟؟؟؟؟

ده يرجع ليك انت
اقللك على حاجه
افرضانت ماقلتش
وتارددت
وحبيبك ماكنش حاسس بحبك ده
وضاع منك ساعتها هتعمل ايه
اقله وصدقنى مشهتخسر
على الاقل عشان تريح نفسك
لو كان بيحبك
تبنوا عشكم الجميل مع بعض
لو كان مش بيفكر فيك
يبقى ما تبنيش احلامك على حبال دايبه
وربنا يوفقك يا باشا يارب

semsema كتب:: التصريح فى الحب عايز شجاعة وتفكير كويس قبل ما اى حد يصارح الانسان الى بيحبه

ومتهيالى المفروض انها تيجى من الولد قبل البنت

ايه يا سمسمه العقل ده كله
اناكده حسدك يا قمر Laughing

وعد العيون كتب:: انا بقي بحب

ان لا البنت تقول ولا الولد يقول

احسن حاجه الحب الصامت
بحس انه حب بجد

في اغنيه لجنات بتقول

انا عايزاك تبقي ليا
من غير ماتقولها ليا
اسمع كلمه بحبك من غير كلام

يعني الحب مش كلمه ممكن حد يقولها
الحب تصرفات وافعال
والتصرفات دي بتبين ان كان الحد ده بيحبك ومهتم بيك ولا لا

بصى يا هند
بجد بجدده احلى حب فى الدنيا
بس بين مين
بين اتنين مخطوبين
متجوزين
مرتبطين رسمى
فا اوردىهما لبعض
وارودى همامتاقلمين على كده
فا اى رد فعل حلوهما هيفهموا انه حب
لكن لو اتنين صحاب
اوزملاء
مش هيبقوا متاكدين وكل واحد ده حب ولا اخوه ولا صداقه فهمانى

maryoma كتب:: اولا مرسي يا مهند موضوعك رووووووووعه وانا شخصيا في امس الحاجه لحاجه زي كده
بس بليز ما تعود تكتب بهادا اللون لانو عملي حول مفاجئ
هلا بالنسبه للموضوع يلي هو الخوف من التصريح بالحب فدا شيئ موجود عندي اول واحده ما بعرف ازا فيي قول انو خوف بكل ما للكلمه من معنى ، انما يمكن يكون نابع عن عدم ثقة بالناس ممكن !!! او انو عدم شجاعه او احساسي بانو ما حدا بيستاهل اني صرحلو او خوض معاه تجربه حب اصلا ، او لاني شايفه الحب اليومين دول الحب الكزابي

اولا الف شكر يا مرويمه
ثانيا بقى بصى يا قمر

الحب كاحب
ما حدش بيحب حد وهومش مواثق فيه
او خايف منه
اومضشمطمنه
ده مش بيبقى حب
ممكن اقصى درجه يوصلها هى الاعجاب
لكن كا حب اشك

لانه الحب امان
دفى استقرار ثقه عمياء فى الى بنحبه

وعامه انا هقللك على حاجه
اقعدى مع نفسك
وفكرى اوى
وراجعى نفسك
واستشريه اوى
وشوفى الانسان ده بيبحك اومعجب بيكى ولا لاء
لو حسيتى انه معجب بيكى
ماتصرحلوش
لكن الفتى نظره بينيله انك مهتميه بيه

وصدقينى
لومش حس بيكى بعدها يبقى هو مش بيحبك اصلا
فا ابعدى عنه احسن

وربنايوفقك يا قمر

بص يا مهند
انا حقول على حاجة حصلت مع واحدة صحبتى

كل الحكاية انها بتحب بس الحب ده من طرف واحد
يعنى هى بتحبه ومش قادرة توضحله ده

المهم هو
هو ايه
لو هى واثقه من انها هو كمان على الاقل معجب بيها
يبقى على بركه الله يا بطوط
لو هى مش عارفه
تحاول تلفت نظره
بس ما تصرحوش غير لما تبقى متاكده
عشان منظرها العام يعنى
فخمتوا خبيبى

موضوعك بجد غايه فى الروعه يا مهند
بس هقولك حاجه
صعب جدا على اى بنت مهما حصل انها تروح تقول لحبيبها انها بتحبه ويمكن دة بيخليها احيانا تضحى بحبها وخصوصا اننا فى مجتمع شرقى جدا بيعترف بسيطرة الرجل بس عارف البنت بتبقى عايزة حبيبها يكون بطل يعملها حاجات تاكدلها انه بيحبها بجد لان الحب مش مجرد كلمه دة فعل وفعل كبير كل بنت بتحلم انها تقابل فتى احلامها وياخدها على حصانه اى كان بقى ابيسض فسفورى اصفر
بس المهم انها تكمل معاه بقية حياتها ان اراد الله عز وجل
وعارف احسن حاجه بجد تثبت انه بيحبها
انه يخش البيت من بابه وبروح يطلبها من اهلها عدل مش يروح يقول احنا لازم نتعرف على بعض ولازم نتكلم مش يمكن مش نتفق فى حاجه اسمها فترة خطوبه وبتدى فرصه للتعارف لكن انه يجى يمشى معاها لفترة وبعد كدة يطلبها من اهلها طيب لو اخته هيقبل بحاجه زى كدة ؟
معتقدتش ولو شافها مع واحد حتى لو كان كلامه جاد معاها بردو يمكن يتهور ويقتلهم الاتنين
صح
يبقى الاحسن انه ميقبلش انه يمشى مع بنات الناس بغرض التعارف والحب
انا هوة دة الحب فى وجهة نظرى
اما الخوف من الاعتراف دة بيبقى موجود عند البنت بس لانها بنت وفى مجتمع شرقى بيرفض دة صعب عليها انها تروح تقول لانسان انها بتحبه
فهمنى
معلشى انى طولت

نورالهدى كتب:: وعارف احسن حاجه بجد تثبت انه بيحبها
انه يخش البيت من بابه وبروح يطلبها من اهلها عدل مش يروح يقول احنا لازم نتعرف على بعض ولازم نتكلم مش يمكن مش نتفق فى حاجه اسمها فترة خطوبه وبتدى فرصه للتعارف لكن انه يجى يمشى معاها لفترة وبعد كدة يطلبها من اهلها طيب لو اخته هيقبل بحاجه زى كدة ؟
معتقدتش ولو شافها مع واحد حتى لو كان كلامه جاد معاها بردو يمكن يتهور ويقتلهم الاتنين
صح
يبقى الاحسن انه ميقبلش انه يمشى مع بنات الناس بغرض التعارف والحب
انا هوة دة الحب فى وجهة نظرى
اما الخوف من الاعتراف دة بيبقى موجود عند البنت بس لانها بنت وفى مجتمع شرقى بيرفض دة صعب عليها انها تروح تقول لانسان انها بتحبه
فهمنى

قولتى اللى كنت عايزة اقوله يانور
هو ده بقى قصدى يا مهند
ممكن تقولى ايه الحل بقى Question

اقللك يا بطوط الحل
الحل انه هو الى يروح يقلها
يعرف شعورها فى الاول
هى عيزاه ولا لاء
متقبلاه اصلا ولا لاء
ولا يروح يخطب واحده
وهو لسه ما يعرفش عنها اى حاجه خالص
هى الخطوبه بالسهل اوى كده يعنى
يخطب واحده ما تعجبوش يروح يسبها والبت اسمها مخطوبه قبل كده وخطوبتها اتفسخت
ماهو ده من سمعتها كمان ولا ايه
وبعدين فتره الخطوبه
بتبقى اكتر ما اهو تعارف
بتبقى نثق حياه
وتخطيط للمستقبل
مش لسه هعرفها فى الخطوبه
واخطط ليتنا لما نتجوز
زيس ماى راى

اه صحيح
على فكره
زمان كان المجتمع مقفول اوى اوى
والدنيا كانت صغيره
وكل الناس تقريبا عارفين بعض
وعارفين هى مين وهو مين
فا اوردى مساله التعارف دى كانت موجوده
لكن واحد ما يعرفش عن واحده اى حاجه فى حياتها
وتقلولى يروح يخطبها على طول كده
صعبه اوى دى مش كده

اوك ده بقي لما يكون الواحد هيتجوز خلاص
وناوي

لكن لما يكون بقي لسه طالب في الجامعه
هيروح يخبط عالباب
هيحدفوه من الشباك ان شاء الله

وهيروح يقلها ايه يعني انا بحبك يعني هتواقفي لما اجي اخطبك ان شاء الله بعد كده 10 سنين ولا حاجه

والله كل الكلام ده في الجامعه
بيبقي مجرد تسليه وتقضيه وقت

وفي الاخر كل واحد بيروح في طريق

ممكن يكون فيه نسبه منهم بيتجوزا بس دي قليله جدا

انا عن نفسي مروقه دماغي

يا مهند انا معاك بس انا بتكلم عن واحد حب انسانه خلاص وعارف انها بتحبه يبقى ليه يتوقع منها انها تكلمه من ورا اهلها ليه هو اهلها كان تعبم فيها عشان هى تتعرف على شاب من وراهم مظنش دى حاجه مفيش نقاش فيها
الخطوبه تعارف دة الكل عارفه

هند
الله يعطيكى العافيه والله

بس ماحدش عارف نصيبه فين

نور الهدى

اعتقد انه هند ردت عليكى لو هو طالب ولسه فى بدايه حياته
تفتكرى اهلك هيوفقوا انك تتخطبيله حتى؟

انت جاوبت على الجزء الاول من سؤالى
بس انا عايزة اجابة الجزء التانى
وهى ازاى تقدر توضحله انها بتحبه او انها معجبة بيه
ولاحظ ان زى ما نور الهدى قالت
احنا فى مجتمع شرقى
بس المشكلة فى القلب بقى

وبصراحة يا مهند انا كانت اجابتى السريعة هى انها تنساه

جاوبنى بقى

معاك ان الاهل مش هيوافقم
لس بردو البنت ازاى توفى اهلها الى تعبم فيها حقهم لما تروح تكلم شاب وتمشى معاه لمجرد انه اداها كلمه بالزواج الكلمه دى بداية ميثاق لكن مش ارتباط رسمى عشان تروح البنت وتكلم الشاب دة حتى لو هى هتموت عليه لا طبعا ثم هتكون البنت دى ادام نفسها ازاى لما تخونهم ايوة هتخونهم بحاجه زى كدة لما تروح تقابل شاب من وراهم صح ولا مش صح
انا عندى بيحبها يعمل المستحيل عشان يخطبها ويخش البيت من بابه هوة خلاص مش عرفم ان كل واحد فيهم بيبادل الاخر نفس الشعور يبقى خلاص يشد حيله لو كان طالب وبعدين يروح يخطبها مهيش هطير يعنى الا لو هنى الى مستعجله على الخطوبه لكن لو بتحبه هتستناه فهمنى ولا كلامى الغاز يا مهند

toty كتب:: انت جاوبت على الجزء الاول من سؤالى
بس انا عايزة اجابة الجزء التانى
وهى ازاى تقدر توضحله انها بتحبه او انها معجبة بيه
ولاحظ ان زى ما نور الهدى قالت
احنا فى مجتمع شرقى
بس المشكلة فى القلب بقى

وبصراحة يا مهند انا كانت اجابتى السريعة هى انها تنساه

جاوبنى بقى

بصى يا بطوط
واحده بتحب واحد اوك
مستحيل مليون فى الميه انه مدام بتحبها هو يبقى مش حاسس بيها
اكيد هيبقى ملاحظ اهتمامها بيه
ملاحظ ده
فا هى قدامها طريق واحد انها تحاول تبينله تلفت نظره يا بطوط تديله اشارات ومعنا ىكده انها بتحبه وهو لو بيحبها ولاحظ كده اكيد هيقلها انه هو كمان بيحبها
اما بقى لوز لاحظ ونفض او ما لاحظش خالص
يبقى هو مش بيحبها خالث
فهمانى يا بطوط
وبعدين مين صاحبتك دى

والله انا شاكك فى امرك silent

نورالهدى كتب:: معاك ان الاهل مش هيوافقم
لس بردو البنت ازاى توفى اهلها الى تعبم فيها حقهم لما تروح تكلم شاب وتمشى معاه لمجرد انه اداها كلمه بالزواج الكلمه دى بداية ميثاق لكن مش ارتباط رسمى عشان تروح البنت وتكلم الشاب دة حتى لو هى هتموت عليه لا طبعا ثم هتكون البنت دى ادام نفسها ازاى لما تخونهم ايوة هتخونهم بحاجه زى كدة لما تروح تقابل شاب من وراهم صح ولا مش صح
انا عندى بيحبها يعمل المستحيل عشان يخطبها ويخش البيت من بابه هوة خلاص مش عرفم ان كل واحد فيهم بيبادل الاخر نفس الشعور يبقى خلاص يشد حيله لو كان طالب وبعدين يروح يخطبها مهيش هطير يعنى الا لو هنى الى مستعجله على الخطوبه لكن لو بتحبه هتستناه فهمنى ولا كلامى الغاز يا مهند

فاهمك يا نور
بس الى مش فاهمه اصلا
هو اكيد عشان يكونوا حبوا بعض انهم كلموا بعض شافوا بعض عرفوا بعض
يعنى ممكن لو ما في امل خالص انه يخطبها دلوقتى وهى مش عايزه تخرج معاه
يتكلموا عادى كانهم اخوات
ويتصرفواعلى ه>ا الاساس لحد ما ربنا يغير بقى الوضع ده

مهند كتب:: فهمانى يا بطوط
وبعدين مين صاحبتك دى

والله انا شاكك فى امرك

وانا مالى
دى صحبتى
وكمان كان يهمنى اوى انى اعرف حل لمشكلتها دى
وبس Exclamation

فخمتو خبيبى scratch

toty كتب:

مهند كتب:: فهمانى يا بطوط
وبعدين مين صاحبتك دى

والله انا شاكك فى امرك

وانا مالى
دى صحبتى
وكمان كان يهمنى اوى انى اعرف حل لمشكلتها دى
وبس Exclamation

فخمتو خبيبى scratch

هههههههههههههههههههههههههههههههههههههههههههههههههههههههههههههههه
فخمتوا يا خبيبى فخمتوا afro

بجد يامهند كل موضوعاتك حلوة أوى بجد وتقريبا كل اللى نفسى أتكلم فيه بجد وبصدق يعنى محتاج أفضفض فيه .
أنا تجربتى جايز تكون صغيرة أنا بحب واحد جدا وكمان حاسه أنه بيحبنى بس هو ميقرش يقول لى كده عشان إحنا قرايب وميزعلش حد لو حصل حاجة تانية لا قدر الله أما أنا طبعا مقدرش أقول حاجة وأول لما أشوفه بضرب لخمه وأنسى الدنيا من حوالى وبيبقى نفسى ميتحركش من جنبى بس ده كمان مبيحصلش حاسه أن ده هيضيعنا من بعض ونفسى ده ميحصلش بجد أنا كده أبقى إتدمرت بجد.............معلش بضايقكم بكلامى وبحملكم همومى إستحملونى مش أنتم قبلتونى صديقة.

» المخوفتيه ... والنجوم .... وهواك (الهدف)
» المخوفتيه والنجوم وهواك( الخيانه)
» المخوفتيه....والنجوم....وهواك(الحياة)
» المخوفتيه.......والنجوم.........وهواك(الشباب والنت)
» المخوفتيه .......والنجوم.....وهواك(اسفه على التاخير)الانتقام