لو كنا بنحبها

بجد مش عارفا ابدا منين
بس انا عارفا ان كل واحد فينا بيحبها
كل واحد بيعشق التراب الى بتمشى عليه
كل واحد بيحلم بانه يلاقيها فى احسن حال
جمايلها مغطيانه بس دايما ناكرين
كل شوية نقول دى فيها وفيها
ودى مليانه ومليانه
ومجربناش حتى نخليها فى احسن حال
نسينا انها زمان شافت وقاست كتير
نسينا انها ماتت لحظات من ضعفنا
انها عانت من غدرنا
وجاين نلوم عليها
لو كنا بنحبها مكناش فكرنا نطلع فيها اى عيب
فين الحب والاحترام المتبادل
فين العطف والحنان
مفكرناش غير فى مصلحتنا ونسينا اننا لو عايزنها احسن احنا الى لازم نبدأ مش هى
هى الام بتاعتنا وحضننا الدافى
لما بنبكى مابنلاقيش غيرها تمسح دمعتنا
لما بنروح ولا بنيجى بننكسف منها مع ان محدش طايلها
نسينا ان غيرنا يتمنى ياخدها مننا من زمان
وياما حاول وحاول بس هى بتحبنها مهما عملنا فيها بتحبنا ووقفت جمبنا
قدروا خلاص انهم يورونا اسوأ ما فيها وخلاص نسينا احسن ما فيها
يلا نبدا من هنا ونقدم كلمه حلوة
كلمة حلوة وكلمتين حلوة يابلدى
غنوة حلوة وغنوتين حلوة يابلدى
املى دايما كان يا بلدى
انى ارجعلك يابلدى وافضل دايما جامبك على طووووووول
لازم نحطها فى عنينا ونحفظ الامانه الى فى ايدينا
دى بلدنا امانه فى ايدينا
نعليها ما دام عايشين
نعيش فيها سنين وسنين واحنا مطمنين
ذكرياتنا الى فيها

دى ذكرايات كل الى فات فاكرة يابلدى
قلبى مليان بحكايات فاكرة يابلدى
اول حب كان لبلدى
مش ممكن انساه يابلدى
فين ايام زمان قبل الوداااااااااااااااع
طب كفايا نيلها
ايه
ماشربتش من نيلها
طب جربت تغنيلها
جربت فى عز ما تحزن تمشى فى شوارعها وتشكيلها
مامشيتش فى ضواحيها طيب ما كبرتش فيها
ولا ليك صورة عل الرمله كانت عل الشط فى موانيها

دايما كنا بنقول عمرنا ما هنسيب ارضها وادينا سبناها
وسافرنا لغيرها
كنا بنقول ان الفراق دة مستحيل
وكل دمعه على الخدين كانت بتسيل
مليانه بامل ان احنا نبقى موجودين
فى بحر الحب على الشطيــــــــــــــــــــن

دى هى صحبتنا وهى اهلنا
دور جواك تلقاها هى الصحبه وهى الاهل
عشرة بلدى بتبقى نسيانها عل البال مش سهل
يمكن ناسى لانك فيها
مش وحشاك ولا غبت عليها
بس ال مجرب وفارقها
قال فى الدنيا مفيش بعديها

عرفت هى مين
هى بلدى وبلدك
هى مصر
ام الدنيا

بلدنا علي عينا وراسنا

دي حاجه اكيده ومفيش اتنين يختلفوا عليها

لكن اللي دايا بيتخنق وبيدايق منها بيبقي السبب هو واحد من ولادها

وعلي رأي محمد رفاعي

لو بتحبوا البلد دي

خلي عيونكم عليها

خلو ايدكو في ايديها

تـــعـــيــشي يــا مــصــر ليا

عمر ما حد يقدر يكره بلده لاي سبب من الاسباب

مهما عملت فيه او مهما ولادها عملوا فيه

الا اذا بئا ان الانسان ده مش فيه خير

لان مصر دي حاجه كبيره اوي

عند الناس اللي بره قبل ما تكون عندنا

لسه احنا مش عارفين غلاوة مصر ابدا

ربنا يحميها دايما وابدا

ويخليها لينا سالمه

ويرزقها بولاد تعرف قدرها وتعرف تقدّرها كويس

...ولو كنا بنحبها ...