كرسى الاعتراف ( toty)

انا هسال سؤال واحد بس يا مارد

انت بتعمل ايه هنا ؟ Laughing

زائر

محطوط على الكرسى Smile

ياراجل
ومين الى حاطك؟ Laughing

زائر

اسماء
هـــــــــــــــــــــــــــــــــــــأ يا جماعة
فى حد عنده اسئلة تانى
انا مستنى

استنى اكيد فى مستعجل على ايه بس استنى علينا Laughing

اوك هو انا مليش نفس يعني

1 - اولا ايه رد فعلك لو اكتشفت ان حبيبتك بتخونك ؟ ومتقليش مش هيحصل وقلي هتعمل ايه لو حصل ؟؟؟
2 - ايه هي عيوب حيببتك ؟؟
3 - كل انسان في الدنيا ربنا ميزه بحاجه
ايه ميزتك انت عن باقي الناس او علي الاقل عن المحيطين بيك ؟؟؟
4 - لو فشلت دراسيا وفي شغلك يا تري ايه موقفك مع حبيبتك وانت متأكد انك مش هتقدر تسعدها ؟؟
5 - امتي مارد هيموت وهو عايش ومتقليش لو سبت حبيبتي ؟؟؟

كفايه كده ايدي وجعتني رد علي دول وهجبلك الـ 24 السؤال الباقين

يا جامد انت .........

قولي ،،،

سين واحد
ايه اكتر حاجة مش عاجباك في المنتدى ؟

سين اتنين
ايه اهتماماتك في المنتدى (ان وجدت) وتحب تضيف ايه ؟ وتحب تشيل ايه ؟

سين تلاتة
ناوي تشتغل ايه ؟ وفين ؟

سين اربعة
ايه طموحاتك وأهدافك في الحياة بعد ما تتجوز ان شاء الله ؟

سين خمسة
هل بعد الجواز ... هتقعد ع النت والمنتديات وللا لا ؟ وليه ؟

زائر

1 - اولا ايه رد فعلك لو اكتشفت ان حبيبتك بتخونك ؟ ومتقليش مش هيحصل وقلي هتعمل ايه لو حصل ؟؟؟ لا حصل معايا قبل كده ساعتها مش هاندم الا على الوقت الىل قضيته معاها وعلى انها مش هتلاقى حب زى حبى بس مش اكتر
2 - ايه هي عيوب حيببتك ؟؟ طيبتها
3 - كل انسان في الدنيا ربنا ميزه بحاجه
ايه ميزتك انت عن باقي الناس او علي الاقل عن المحيطين بيك ؟؟؟ ان لو حلمت حلم او خدت وعد مش بتنازل عنه مهما كان الامر
4 - لو فشلت دراسيا وفي شغلك يا تري ايه موقفك مع حبيبتك وانت متأكد انك مش هتقدر تسعدها ؟؟ لو فشلت يبقى ساعتها لازم انسحب من حياتها لانى لو فشلت مرة هافشل كتير اوى فساعتها مش هابقى قد كلامى ووعودى ليها
5 - امتي مارد هيموت وهو عايش ومتقليش لو سبت حبيبتي ؟؟؟ لا مارد هايموت لو فشل فى يوم من الايام يبق مارد اللى نفسه يشوفه

زائر

سين واحد
ايه اكتر حاجة مش عاجباك في المنتدى ؟ اوقات بتحصل حاجات فى المنتدى بكون مش عارف حصلت امتى ولا ازاى

سين اتنين
ايه اهتماماتك في المنتدى (ان وجدت) ( الاستراحة والمنتدى العام ) وتحب تضيف ايه مفتكرش ؟ وتحب تشيل ايه ؟ مفتكرش

سين تلاتة
ناوي تشتغل ايه ؟ وفين ؟ اشتغل اللى ربنا يبعته ليا فين على حسب بس احتمال لما ربنا ياذن ليا واخطب اسافر الاردن هناك اشتغل سنة اكون نفسى وارجع تانى

سين اربعة
ايه طموحاتك وأهدافك في الحياة بعد ما تتجوز ان شاء الله ؟ انى اسعد مراتى واربى عيالى

سين خمسة
هل بعد الجواز ... هتقعد ع النت والمنتديات وللا لا ؟ وليه ؟ طبعا هاعقد على النت وكمان هاخش منتديات ولو كانت مراتى بتخش منتدى مفيش اى مانع انها تكمل فى المنتدىبس ميكونش على حساب بيتها وزوجها

ليلتك بيضة يا برعي

زائر

شم انا لوحدى
هااتحط على الكرسى بعديا يا جميل

انا عايز اتحط على الكرسى ده شويه Laughing

أبو عنكبوت كتب:: ليلتك بيضة يا برعي

زائر

مهى بيضة لوحدها

لو الناس خلصت اسئله نبدأ بقه فالترشيحات تانى

لا استنى انا لسه عندى كام سؤال هما مش اسئله هما عبارة عن شوية اغانى وعايزاك يا مارد تقولى الاغانى دى بتمثلك ايه وتقولها لمين اوك
بحبك وحشتينى
قول رجعت تانى ليه
رجعونى عنيك لايامى الى راحو
يا مستبدة
اغازلك
اشهد
علمنى حبك
فاتت سنين
حبيب قلبى
بقولك بحبك
لا يا حبيبى

غدار خلتنى احبك

وقبل ما اخلص لازم سؤال بس
ايه ممكن يحصل لو فى يوم حسيت انك مش حاسس بحببتك هتقولها وهتسيبها ولا هتفضل معاها لمجرد انك مش عايز تصدمها

انا ملاحظه ان معظم الاسئله اللي بتتوجه لمارد عن الحب مع ان لازم تكون الاسئله شامله كل حاجه,,, الحب مش كل حاجه

انا هفكر في كام سؤال وهاجيلك يامارد

انــــــــــــــــا جييييييييييييييييييت

1- اسمك - تاريخ ميلادك- سنك - محل اقامتك- دراستك او لو كنت بتشتغل يبقى بتشتغل ايه

بصريح العبارة عايزة ال

CV بتاعتك

2- ممكن اعرف بقى ممكن توصفلنا انت رايك ايه فى نفسك عيوبك كلها و مميزاتك بمنتهى الصراحة

3- عايزة اعرف ايه اصعب موقف مر عليك و لا يمكن تنساها ابدا

4- عايزة اعرف اكبر غلطة حسيت انك ارتكبتها و مش مسامح نفسك عليها

5- عايزة اعرف ايه فرصة عمرك اللى ضاعت منك

و حاسس انها كانت فعلا فرصة العمر و مش هتتكرر تانى

6- حبيت قبل كده او مريت بتجارب عاطفية قبل كده

كام مرة و ايه اللى حصل فيهم لحد دلوقتى

و لو كانوا انتهوا ليه انتهوا السبب منك و الا من ايه

7- ايهما تختار حبك ام كرامتك؟؟؟

8- انت بتصلى و الا لا

و بتقرأ قران

اخر مرة مسكت المصحف فيها امتى ؟؟؟

و حافظ اد ايه من القرأن

9- قولى كده بمنتهى الصراحة مين هو الشخص اللى لو فقدته بعد الشر يا رب انتهيت

10 - ماذا تفعل اذا خانك من تحب؟؟

11- حاسس انك راضى عن نفسك لو اديتك ارقام من 1 الى 10

تدى نفسك رقم كام يدل انك راضى عن نفسك

لو افترضنا ان 10 ده قمة الرضا بالنفس

12- ايه اكبر طموحاتك بالدنيا ؟؟

ننتقل لجزء تانى و هو خاص بالمنتدى

ايه رايك بالمنتدى عايزة اعرف

1- عيوبه قبل مميزاته؟

2- لو كنت انت الادمن و صاحب المنتدى كنت هتعمل ايه بالظبط في المنتدى

3- مين هو العضو اللى نفسك تتعرف عليه شخصيا

4- مين هو العضو اللى ندمت بمعرفتك ليه

5- قولى بصراحة بتحب مين هنا فى المنتدى

6- مين هو العضو اللى ندمت بمعرفتك ليه من غير اى انكار و كلام دبلوماسية

7- انت في اعضاء واخد منهم موقف في المنتدى ولا لا ؟ ولو فيه مين هم بصراحه ؟ وهل انت بتتجنب التعامل معاهم ؟وليه ؟

كفايه كده عليك

زائر

بحبك وحشتينى / لحبيبتى
قول رجعت تانى ليه / مش لحد
رجعونى عنيك لايامى الى راحو / معهرفهاش الاغنية ده
يا مستبدة/ كاظم ؟ بينه وبينى قصة حب عنيفة لدرجة انى مش بسمع اغانيه
اغازلك مش اعرفها
اشهد مش اعرفها
علمنى حبك ة لحبيبتى برضه
فاتت سنين مفتكرش اهديها لحد
حبيب قلبى لحبيب قلبى
بقولك بحبك لمهند
لا يا حبيبى معرغهاش

غدار خلتنى احبك معرفهاش والله

وقبل ما اخلص لازم سؤال بس
ايه ممكن يحصل لو فى يوم حسيت انك مش حاسس بحببتك هتقولها وهتسيبها ولا هتفضل معاها لمجرد انك مش عايز تصدمها //////// لاطبعا هاقولها انى مش حاسس بحبها وساعتها لازم تتغير وانا اساعدها انها تتغير علشن احس بده مينفعش انى افضل معاها علشان مش اجرحها لازم اصراحها علشان تكمل معايا عمرها

زائر

[quote="Nour El3'aram"]

انــــــــــــــــا جييييييييييييييييييت

1- اسمك - تاريخ ميلادك- سنك - محل اقامتك- دراستك او لو كنت بتشتغل يبقى بتشتغل ايه

بصريح العبارة عايزة ال

CV بتاعتك

[color=yellow]احمد صبرى احمد - 19 سنة ونص - اصلا انا من الجيزة بس حاليا عايش فى القاهرة ومش هاقول المكان لاسباب شخصية بس لعدم حصول مشاكل - بدرس فى كلية تجارة خاريجية الفرقة التانية يعيد السنة - بشتغل ؟ اشتغلت كتير اوى اشتغلت فى مكتبة واشتغلت مندوب مبيعات واشتغلت فى سنترال واشتغلت فى سيبر واشتغلت فى مصنع زجاج وحاليا شغل 2 شغلانة علشان احقق حلمى الصبح شغال مع مهندس فى مجال الرخام ( التسويق ) وبليل ماسك سيبر

2- ممكن اعرف بقى ممكن توصفلنا انت رايك ايه فى نفسك عيوبك كلها و مميزاتك بمنتهى الصراحة

[color:dc5c=yellow:dc5c]

عيوبى ؟ عصبى متسرع شوية مهمل فى نفسى وفى الدراسة حبيتن عايز اعمل حاجات كتير فى وقت قصير بتفم غلط وشم بيكون قصدى حساس احيانا زيادة عن اللزوم ممزياتى لما بحط هدف قدانى بوصل ليه مهما كان الامر وعمرى ما قولت وعد ومش نفذته الحمد لله

3- عايزة اعرف ايه اصعب موقف مر عليك و لا يمكن تنساها ابدا

يوم ما وقفت جنب امى فى طلاقها وفى الاخر شخص الله يسامحه بقا قدر يقنعها انى كنت عايز اخرب البيت

4- عايزة اعرف اكبر غلطة حسيت انك ارتكبتها و مش مسامح نفسك عليها

انى سبت البيت ــــــــــــــ بس مش قدامى حل غير ده

5- عايزة اعرف ايه فرصة عمرك اللى ضاعت منك

انى عدت سنة تانية

و حاسس انها كانت فعلا فرصة العمر و مش هتتكرر تانى
مفيش لحد دلوقتى

6- حبيت قبل كده او مريت بتجارب عاطفية قبل كده

حبيت اه

كام مرة و ايه اللى حصل فيهم لحد دلوقتى

معظمهم فشلوا

و لو كانوا انتهوا ليه انتهوا السبب منك و الا من ايه
السبب انى كنت بتخدع كتير كنت بحب من قلبى وفى الخر اكتشف انى كنت مخدوع

7- ايهما تختار حبك ام كرامتك؟؟؟

كرامتى لو مفيش حب لكن لو فى حب مش هايكون فى كرامة

8- انت بتصلى و الا لا

الحمد لله انا اصلا من اسرة متدينة وكنت ملتحى بس حلقت اللحية لاسباب امنية

و بتقرأ قران

الحمد لله

اخر مرة مسكت المصحف فيها امتى ؟؟؟

من قريب

تقريبا من شهر

و حافظ اد ايه من القرأن

نص القران لحد سورة الحج من اول سورة الناس لحد سورة الحج

9- قولى كده بمنتهى الصراحة مين هو الشخص اللى لو فقدته بعد الشر يا رب انتهيت

اتنين امى برغم البعاد وحبيب عمرى

10 - ماذا تفعل اذا خانك من تحب؟؟
هاندم عليه لانه شم هيلاقى حب زى حبى مهما كان

11- حاسس انك راضى عن نفسك لو اديتك ارقام من 1 الى 10

6

تدى نفسك رقم كام يدل انك راضى عن نفسك

لو افترضنا ان 10 ده قمة الرضا بالنفس

12- ايه اكبر طموحاتك بالدنيا ؟؟
انى اخلص دراستى واشتغل واتجوز

ننتقل لجزء تانى و هو خاص بالمنتدى

ايه رايك بالمنتدى عايزة اعرف

منتدى جاااااااااااااااااااااااامد جدا موووووووووووووووت اوى اوى اوى

1- عيوبه قبل مميزاته؟

نفس عيوب اى منتدى شوية مشاكل والحمد لله بنقدر نحتويها
2- لو كنت انت الادمن و صاحب المنتدى كنت هتعمل ايه بالظبط في المنتدى

مكنتش هاقدر اعمل حاجة اكتر من الىل موجود

3- مين هو العضو اللى نفسك تتعرف عليه شخصيا
الشباب نفسى اتعرف على مهند والحمد لله ناقص بقية الشباب وتوكس يعنى فى المقدمة
4- مين هو العضو اللى ندمت بمعرفتك ليه

مفيش

5- قولى بصراحة بتحب مين هنا فى المنتدى

مش بكره حد بحب كله

6- مين هو العضو اللى ندمت بمعرفتك ليه من غير اى انكار و كلام دبلوماسية

السؤال متكرر مفيش والله

7- انت في اعضاء واخد منهم موقف في المنتدى ولا لا ؟ ولو فيه مين هم بصراحه ؟ وهل انت بتتجنب التعامل معاهم ؟وليه ؟
كان فى اعضاء واخد منهم موقف والحمد لله الموقف اتشال والموضوع بقا زى الفل

نور الغرااااااااااااام

بجد ممتااااااااااازة

اسئلتك متنوعة وجميلة اوووووووووووووى

مارد..مش عارفة

خايفة اقولك انى التمستلك اعذار كتير اوى

تفتكرها شفقة لا سمح الله

بس بجد

انت شفت كتير ولسة مرح ومتفائل وبتحب وبتعيش

ربنا يوفقك

حاليا عندى سؤال واحد:-

انت راضى ؟؟

بوووه

ها حد هيسأل وللا نرشح حد تاني ؟

زائر

الحمد لله
راضى كامل الرضا
صحيح تعبان جسديا
ونفسى استريح
بس الحمد لله راضى

خلاص بيتهيالي نبدا ترشيحات حتى مارد تعب Very Happy

زائر

اه والله
دنا طلع عينى
برشح ابو عنكبوت