كرسى الاعتراف ( toty)

اهلا اهلااااااااااااااا

نبدا بالاسئله الخفيفه

1- اوصفلي نفسك في تلات كلمات
2- شايف نفسك مغرور؟ ولو دي ثقه بالنفس مش شايفها زياده حبتين ؟
3- عمرك ظلمت حد ؟؟
4- عمرك حسيت انك اتظلمت ؟امتي ؟ وبتتصرف ازاي لما تحس انك مظلوم؟
5- مين اقرب ليك اهلك ولا حبيبتك ؟
6- احكيلنا ازاي حبيت مون وازاي ارتبطتوا وازاي علاقتكوا زادت اوي كده ماشاء الله
7-عشت كام تجربه حب في حياتك
8-طلعت من التجارب دي بايه ؟ وايه الفرق بينهم وبين تجربتك مع مون ؟
9- علاقتك باصحابك عامله ازاي ؟ ومين اقربهم ؟ وتقدر تعيش من غيرهم ولا ايه النظام ؟
10 - هل ليك صديقات ؟
11- راضي عن نفسك بنسبه اد ايه ؟
12- طب ايه العيوب اللي شايفها في نفسك ومضايقاك ؟
13- ايه هو اكبر سر في حياتك (السؤال ده اختياري ) بس ياريت تجاوبه
14-مين من الشخصيات العامه تتمني انك تبقي زيه ؟
15-ايه رايك في كل من :
توكس - عوثو - سوسا- ساره _نور الغرام)- مختار- امنيه مون - مني ام - وطبعا توتا
ومش عايزه افكرك انك هتقول المميزات والعيوب مش عايزين مجامله
للاسف لازم امشي ناو
سنعود

يا عيني على الاسئلة

يلا يبني عشان عندي ليك مفاجأة سارة

ياتري ايه الحكمه والمراد من استخدامك انت وخطيبتك اكونت واحد ؟

الحكمة والمراد سببين .. هقول على واحد والتاني سر مش هقوله ... السبب الأول توطيد العلاقة ما بينا وتأصيل وتوثيق إننا احنا ال2 نكون واحد بحق وحقيقي أكتر ما احنا


إنت بتجيب منين كم المخزون اللغوى الغريب اللى عندك دة ؟؟؟
والله يا مختار عايز أفهم معنى كلمة غريب الأول .. هل لجودة المخزون أم لإنك بتستنكره .. عموما أي علوم سواء لغوية أو غيرها فمنبعها الأساسي القراءة مع الملكة اللي ربنا بيديها لكل واحد .. لو كلامك لجودة مخزوني اللغوي فإطراء كبير من شخص أكبر وأكبر


توتـــــــــــــــــــــــــا


1- اوصفلي نفسك في تلات كلمات
قمر وعسل وسكر (إجابة أمنيتي)
عاشق وشاعر وعطوف
]2- شايف نفسك مغرور؟ ولو دي ثقه بالنفس مش شايفها زياده حبتين ؟
واضح من سؤالك انه اتهام ... عموما أعتقد إني واثق في نفسي جدا جدا يمكن سعات بتوصل للغرور بس حتى الآن غروري دايما على صواب

3- عمرك ظلمت حد ؟؟
أعتقد ان مفيش حد عمره ما ظلم .. وأتمنى من أي حد ظلامته انه يسامحني


4- عمرك حسيت انك اتظلمت ؟امتي ؟ وبتتصرف ازاي لما تحس انك مظلوم؟
زي منا بظلم أكيد غيري بيظلم .. وأكيد في ناس ظلموني .. مش فاكر امتى مظبط لإنها مش مرة واحدة ... وبتصرف حسب الظالم ... لو أقدر آخد حقي منه هخده إلا لو حقي هيضره ضرر أكبر من ظلمي ... ولو مش هقدر بفوض أمري لله ... ولو اللي ظلمني انسان أنا بحبه أكيد هسامحه وهتقبل ظلمه

5- مين اقرب ليك اهلك ولا حبيبتك ؟
أكون واقعي وصادق ومش هقول كلام عشان خاطر أمنيتي شيفاه .. لكن هو حتى الآن ال2 في مرتبة واحدة ... لكن بعد كده أكيد حبيبتي هتكون أقرب لإنها هتكون شريكة حياتي .

6- احكيلنا ازاي حبيت مون وازاي ارتبطتوا وازاي علاقتكوا زادت اوي كده ماشاء الله
أولا (قل اعوذ برب الفلق ) ... ثانيا قصة حبنا ما تتقلش على كري الإعتراف وإلا هنضطر نأجر كل قاعات المحكام عشان أستوفي قصة حبي لأمنيتي . لكن طبعا ازاي وازاي وازاي ... فالحمد لله انه رزقني بيها بعد سنين من الألم .


7-عشت كام تجربه حب في حياتك .
كتجربة حب بمعنى حب تقدري تقولي 2 بس ... لكن أكيد الواحد على مدى سنين طيشه كان بيعجب بكتير .


8-طلعت من التجارب دي بايه ؟ وايه الفرق بينهم وبين تجربتك مع مون ؟
طلعت منهم بإني موجود وإن ليا قلب يحب ويتحب وطلعت منهم ان العقل لوحده مينفعش والقلب لوحده مينفعش وعشان تحب صح لازم الاتنين يحبوا مع بعض .... الفرق بين التجارب السابقة وتجربتي مع أمنية فتجربتي مع أمنيتي هي الأقوى والأبقى والأعقل والأكثر حبا وجنونا ((إن شاء الله يارب)) ""وقل أعوذ برب الفلق""


9- علاقتك باصحابك عامله ازاي ؟ ومين اقربهم ؟ وتقدر تعيش من غيرهم ولا ايه النظام ؟
سعات بحس ان علاقاتي بأصحابي علاقة من طرف واحد .. سعات بحس اني بحبهم أكتر منهم ... لكن عموما علاقتي بيهم قوية وبجد بحبهم قوي قوي قوي ... أقربهم ليا (الواطي توكس) ومعتقدش اني ممكن أعيش من غيرهم .


10 - هل ليك صديقات ؟
أنا ضد وأرفض أي علاقة بين أي ولد وبنت وتحت مسمى صداقة ... لكن ممكن يكون في زمالة في حدود العمل فقط

11- راضي عن نفسك بنسبه اد ايه ؟
الحمد لله راضي عن حياتي بنسبة 100% وبحمد ربنا على كل اللي انا فيه ... أنا بس مش راضي قوي عن علاقتي بربنا ونفسي تبقى أقوى وأقوى


12- طب ايه العيوب اللي شايفها في نفسك ومضايقاك ؟
أكتر عيب خنقني قوي إني هوائي وسعات بحس إن إرادتي محتاجة تبقى أقوى من كده .

13- ايه هو اكبر سر في حياتك (السؤال ده اختياري ) بس ياريت تجاوبه
هو بما إنه إختياري فانا ممكن أجاوبه وممكن لأ ... لكن عشان خطرك وعشان انتي قولتي ياريت تجاوبه فأنا عشان خطرك إنتي بس والله العظيم منا مجاوبه .

14-مين من الشخصيات العامه تتمني انك تبقي زيه ؟
الشيخ محمد متولي الشعراوي الله يرحمه رحمة واسعة


15-ايه رايك في كل من :
توكس :- أناني ... وفي نفس الوقت صاحب صاحبه
عوثو:- بارد وجدع
سوسا :- مجنونة وبرضه جدعة
نور الغرام :- (هي مين نور الغرام )
مختار :- عبقري شعر
امنيه مون :- أحلى حاجة في حياتي
مني ام :- إنسانة
توتا :- مجنونة


[color:8882=#000080:8882]

[/b]

الشاعر : محمد عبده كتب:

9- علاقتك باصحابك عامله ازاي ؟ ومين اقربهم ؟ وتقدر تعيش من غيرهم ولا ايه النظام ؟
سعات بحس ان علاقاتي بأصحابي علاقة من طرف واحد .. سعات بحس اني بحبهم أكتر منهم ... لكن عموما علاقتي بيهم قوية وبجد بحبهم قوي قوي قوي ... أقربهم ليا (الواطي توكس) ومعتقدش اني ممكن أعيش من غيرهم .

15-ايه رايك في كل من :
توكس :- أناني ... وفي نفس الوقت صاحب صاحبه

انت فين يبني ؟

™ToKSeeDo كتب:

و - ايه الفرق بين شخصيتك في المنتدى وشخصيتك في الحقيقة
ز-ايه هي الحاجات اللي نفسك تغيرها في نفسك ؟؟؟ وايه الصعب منها ؟؟؟
ح - ايه اكتر حاجة بتحبها في الماديات ؟؟؟ (خشب - عربيات - فلوس - دهب - إزاز - الخ الخ الخ ... )
ط - ايه هو أكتر موقف ........ في حياتك :
دحكك :
زعلك :
استفزك :
أدهشك :
أحرجك :

ي- اطلب منك انك تحكلنا في موجز لا يقل عن 4 سطور

عن الرحلة العائلية الأخيرة التي قمت بها في الصيف السابق

واللي كانت في مرسى مطروح ،،،،،،،،

واللي كان موجود فيها ( انا وانت وابو عنكبوت وحورس )

كـ - ايه اللي انت طلعت بيه من الرحلة دي ؟؟ ( ده لو كنت طلعت منها بحاجة )

ل- ايه هي الملاحظات اللي لفتت نظرك في الرحلة ،،،،،،،، ؟؟

م- احساسك ايه دلوقتي وانت بتجاوب على أسئلتي البسيطة ؟؟

ملحوظة : ممنوع متجاوبش على أي سؤال الا لو كان سر عايز تحتفظ بيه لنفسك
وممنوع تقولي مش فاكر او ما الى ذلك وما يعني ذلك ومننوع المرواغة ،،،

وأرجو الاجابة على الاسئلة لحين تحضير الورقة الأخرى ،،،،،،
تقبل تحياتي ،،،،،،،،،،،،

وطاب مساؤك

(الواطي توكس )

اكيد مدح ... فعلا انت عندك مخزون لغوى اكتر من رائع .... تحياتى

انت فين يا عبدووووووووو

مرسي يا مختار على رأيك ده واليل بجد أفتخر بيه جدا ...

[color=#808000]

اقتباس :

ملحوظة : [color:4165=navy:4165]ممنوع متجاوبش على أي سؤال الا لو كان سر عايز تحتفظ بيه لنفسك
وممنوع تقولي مش فاكر او ما الى ذلك وما يعني ذلك ومننوع المرواغة ،،،

معلومة : كل الأسلة بتدور حولين أسرار في حياتي وأرفض الافصاح عنها فيما عدا احساسي وانا بجاوب على اسئلتك البسيطة .... احساسي اني مخنوق من كم الأسئلة وطول الإجابة


ياريت محدش يسأل تاني

تم الافراج عن عبده ،،،،،،،،،،

هديله 65 %

وهرشح عهد الزمان للكرسي

أنأ هرشح الريس محمد حسني مبارك ... نفسي ومنى عيني يقعد على كرسي الاعتراف

ولا ابن عمتي ولا قريبي ولا اعرفك

برشح نور

كده يبقى 2 عهد الزمان

و 1 نور

خلاص يبقى عهد الزمان على الكرسي

بطاقتك الشخصيه..؟
ولومطلعتيش قوللنا كل حاجه عنك
يعني من الاخر السي في كااااااامله وبدون اي اخفاءات

انتي فين يا عهد !!

عهد بتعتذرلكو يا جماعة ومش هتقدر تقعد في الكرسي ،،

الظاهر مش لاقية محامي

عموما ،،، ا
ادخلو رشحو حد تالت !!